Gocce di poesia foggiane - Atto VII

APPICCIAFUCH'

Nu ferragust' allucinant';

sott 'a fnestr 'u munn cant.

E si t'affacc' e guard bun',

vid che cant'n a' diun'.

Nu ferragust' d' burdell';

p'u cors luc' e bancarell'.

Pur' si a str'd è buch' buch',

tu av'z l'ucchj' e aspitt' i fuch'.

Nu ferragust' tropp bell;

mammà ha cacc't tre tiell'.

Duj' past au furn, na lasagn':

e mo 'u second' chi s'u magn'?!

Nu ferragust' da paur;

'a fest d'i fatigatur.

E chi n'n vòl fa u mariul',

festegg' e po' s'u pigghj' n'gul..

Gocce di poesia foggiane - Atto VI

ABBUTTAMINT' D VELEN'

Abbuttamint' d velen',

n'ata riunion' d gastem'.

Cu cil' ch'addvent ner',

pur' si mo stev 'u seren'.

Abbuttamint' d velen',

'u sang tutt ind' a na ven'.

E nu b'cchijr d l'cuur

'ddvent succh 'e nirvatur'.

Abbuttamint' d velen',

e semp 'a stessa cantilen'.

Tu nint dic' e nint purt',

però quill'at st'c sturt.

Abbuttamint' d velen',

e intant' 'u fegh't s'anghien'.

Senza capì qual è 'u problem'.

Fors è stu munn tutt scem'.

Gocce di poesia foggiane - Atto V

MILLE E UNA NOTTE

E' nott pur' stanott

d' maledizion' e turbamint';

è nott 'a fnestr che sbatt

p'i shcaff' che i men 'u vint.

E' nott stu fridd violent'

che tagghj' facc' e capill';

é nott sta mass d' gent

inut'l cum' i birill'.

E' nott na vecchj' che fum'

'ccussì 'a trov' prim' sta mort;

é nott 'u sorrs' d'a lun',

che rid' ma almen' t'ascolt.

E' nott sta luc' accecant'

che 'n bacc' s' men furios';

è nott stu gir' a vacant'

che m'ha fatt scriv' sta cos'.

'A nott è chi dorm e chi no;

chi pregh', chi accatt' o fatigh';

chi vev' e s' vol' ammuccià,

e d' sta jurn't s' vol' scurdà.

Gocce di poesia foggiane - Atto IV

FRENA E FRANA

Chiov'.

Sott a stu ci'l nir'

ascenn'n i p'nzir,

anzim' a st'acqua lord che n'n serv a na lir.

Angòr chiov'.

Da sti nuv'l strachien'

d nirv e d velen',

che serv'n p fa appr'zzà 'u seren'.

Madonn', chiov'!

Sta piogg' che t'abbagn

è semp 'a stessa lagn,

e 'u timp pes quant 'e na lasagn.

Appost, chiov'.

Ma mo' tu t'e scaff't int 'a capocc'!..

P'cchè non t vij' a mett sott 'a docc'?!

Almen' là t puj' ammuccià sti gocc',

che tin d'int all'ucchij' e sop 'a facc'.

E' inut'l che tint d fa 'a rocc'.

Lass che chiov', e n'g rompenn 'u cazz.

Gocce di poesia foggiane - Atto III

NON SI MUOVE UNA FOGLIA

Mo c' vuless nu scaff,

puj' dic' pur' sgarzalon'.

Nu bell segn' sop 'a facc',

n'abbronzatur' fatt a m'n.

T'u mer'tass bbun 'u scaff,

'rrét 'a sta scuffij' d capill.

E se n'n vid partì 'u vrazz,

è semb 'u mj', puj' sta tranguill.

Tu vj' cercann' schitt scaff,

t pij'c a fà 'a provocazion'.

P te s' ponn perd i staff,

po' abbusch' e avasc 'u capacchion'.

Mè fatt dà stu bell scaff,

'ccussì f'nim sta poesiol'.

E n'n r'denn sott 'i baff:

so' scaff pur' sti parol'!

Gocce di poesia foggiane - Atto II

FUTURO INTERIORE

Dumn è na speranz,

o fors n'illusion',

d'ittars arret ai spall

tizzon' e caravon'.

Dumn 'u timp è bell,

dinn in television'.

E isc' senz'ombrell,

ma puntualment chiov'.

Dumn è na cos' da fa,

n'appunt sop a n'agend.

Ma po' a sveglij' son' e pinz:

"no, non c'a pozz fa. M'arrend."

Dumn è nu piatt d past,

n'addòr d cagnament.

Pe chi magn semp inzipd,

e chi magn poc e a stent.

Dumn, cumpà, è "n'at jurn",

d'cev Rossell' int a 'u film.

E ij c'agghj' pur credut,

ma angòr n'n ved nint.

Gocce di poesia foggiane

JURN'T D CAZZ!

Che jurn't d cazz!

Da sbatt a c'p 'n bacc' au mur,

p criticà madre natur',

che stammatin m'ha fatt sviglià!

Che jurn't d cazz!

Quann' a gent è tropp fastidios.

Pur chi m ven a purtà na ros,

senza capì che n'n vogghj' parlà.

Che jurn't d cazz!

P fa' nu sorris m serv nu sforz,

po' ven d'aret u sudor e t'abbrazz,

e vulìv sta sùl, ma nint da fa'.

Che jurn't d cazz!

Mill p'nzir s magn'n u timp,

u sol ind' ai nuvol ha fatt nu zump,

e a ser è turn't senza dic' nint.

Che jurn't d cazz!

S'assett sop a segg' annanz au litt,

m guard e dic': "è inutl che aspitt,

quell che sti cercann' ogg' n'n esc'!"

Allor ij dic: e muv't a fnesc!

Sta jurn't d cazz.